Мірон вывесіў сцяг у гонар Тадэвуша Касцюшкі
Сёння ўвечары мінакі, што шлі па Кіраўскім мосце цераз Дзвіну у Віцебску, маглі бачыць бел-чырвона-белы сцяг, што лунаў над жылым пяціпавярховым домам на перакрыжаванні вуліц Кірава і Камсамольскай.
Сцяг з'явіўся а палове на восьмую вечара, паведамляе Радыё Свабода, а у 20.20 яго ўжо не было. Міліцыянты Чыгуначнага РАУС, што знаходзіцца побач з вуліцай кірава, знялі сцяг і завезлі ў РАУС.
Як паведамляе Радыё Свабода са спасылкай на вядомага віцебскага апазіцыянера Барыса Хамайду, якому з крыніц, вартых даверу, стаў вядомы змест прымацаванай да сцяга цыдулкі, бел-чырвона-белы сцяг сёння быў вывешаны "У гонар выдатнага ліцьвіна, сына беларускага народа, нацыянальнага героя нашай любай Бацькаўшчыны Андрэя Тадэвуша Банавэнтуры Касьцюшкі". Цыдулка была падпісана Міронам.
Чытайце яшчэ
Каментаваць
Вы павінны увайсці каб каментаваць.
